Мэта: развіццё пазнаваўчай актыўнасці на аснове пошукавай дзейнасці вучняў пры вывучэнні паняццяў “адлегласць” і “скорасць”, устанаўленне ўзаемасувязі паміж імі.
Задачы: пазнаёміць з простымі задачамі на знаходжанне скорасці і часу;замацоўваць уменне выконваць вусныя вылічэнні з трохзначнымі лікамі; удасканальваць уменне рашаць задачы вывучаных відаў.
Ход урока
1.Арганізацыйны момант
— Сёння ўрок незвычайны .
Па-першае на ім прысутнічае многа гасцей, а па другое мы адправімся з вамі на алімпійскія гульні ў Пхёнчхан.
Каб добра ведаць матэматыку трэба быць не толькі кемлівымі, знаходлівымі, старанным, але абавязкова яшчэ здаровымі, вынослівымі, фізічна загартаваннымі.
( слайд 1) “Хутчэй, вышэй, мацней”.Гэтыя словы з’яўляюцца дэвізам алімпійскіх гульняў. Гэта дэвіз і нашага ўрока.
2.Вуснае лічэнне
Заданне1
З чаго пачынаецца алімпіяда?(з сімволікі, эмблемы)
Пяць пераплеценых кольцаў на сцягу алімпіядыз’яўляюцца сімвалам Алімпійскіх гульняў.Пяць кольцаў — гэта пяць частак свету: Амерыка, Еўропа, Азія, Афрыка і Аўстралія.
Гэтыя кольцы пафарбаваны ў сіні, жоўты, чорны, зялены і чырвоны колер
(Слайд 2)Давайце расфарбуем эмблему, для гэтага нам неабходна рашыць прыклады
(30*3):9= 90:9=10
(18+22)*2=40*2=80
6*6:4=36:4=9
(30+34):8=64:8=8
14*2:4=28:4=7
Заданне 2
- (Слайд 3)
- У Пхёнчхан з’е халіся спартсмены з усяго свету.
Берлін бліжэйшая да Пхёнчхана, чым Вашынгтон, але далейшая чым Масква. А Мінск бліжэй, чым Берлін. Размясціце гэтыя гарады вакол Пхёнчхана па аддалёнасці.
-Беларускія спартсмены з якога горада адправіліся на алімпіяду? (З Мінска. Мінск – сталіца Беларусі, нашай Радзімы.)
-Якія беларускія спартсмены выступаюць на алімпіядзе ў Пхёнчхане?
(Інфармацыя пра Бел. дэлегацыю)
— Мы сёння будзем не толькі гаварыць пра алімпіяду, але і станем яе актыўнымі ўдзельнікамі – лыжнікамі.
-Адным з алімпійскіх відаў спорта з’яўляюцца лыжныя гонкі.
Прымем удзел у лыжнай эстафеце.
У нас дзве каманды, кожны яе ўдзельнік па чарзе праходзіць свой этап.
— Першая каманда — падыміце левую руку. Для вас карткі блакітнага колеру.
Другая каманда — падыміце правую руку! Для вас карткі жоўтага колеру.
Будзьце ўважлівымі, вылічыце неправільна — лыжы паедуць не туды, сам упадзеш і каманду падвядзеш. Запісваем толькі правільныя адказы. Пабеглі!
3.Актуалізацыя ведаў
— Як і наша дарога на лыжных гонках няроўная.То з горкі ўверх, то з горкі ўніз, так і наша праца на ўроку будзе цяжкая. Спартсмены за свае дасягненні атрымліваюць медалі, а вы за вашыя старанні атрымаеце самы значны прыз- веды.
(Слайд 4)-Увага на экран. Якія адзінкі велічынь лішнія?
М, мм, км, мін, см, дм
Чаму? (Усе астатніяадзінкі даўжыні)
Размясціце адзінкі даўжыні ў парадку ўзрастання.
Што можна вымераць адзінкамі даўжыні? (Адлегласць)
Што мы называем адлегласцю? (Шлях, пройдзены за ўвесь час руху)
-Звярніце ўвагу на дошку! Знайдзіце і назавіце адзінкі часу і скорасці. (Вучань бярэ картку, называе велічыню. Выкладваюцькарткі з адзінкамі часу і скорасці ў радок.)
— Звярніце ўвагу на літары. Складзіце з іх слова.
Прачытаўшы слова, вы ўжо здагадаліся, якая тэма нашага ўрока…(скорасць)
Задачы сенняшняга нашага урока: пазнаёміць з простымі задачамі на знаходжанне скорасці і часу;замацоўваць уменне выконваць вусныя вылічэнні з трохзначнымі лікамі; удасканальваць уменне рашаць задачы вывучаных відаў.
4.Тлумачэнне новай тэмы
- Правілы з падручніка ст . 58 (два)
- Задача № 1 ст. 58 (вучні чытаюць умову задачы з падручніка)
(Слайд5) Табліца
Аналіз задачы
Запіс рашэння задачы ў сшыткі
- Задача з падручніка №3(вучні чытаюць умову задачы з падручніка)
( Слайд 6) Табліца
Аналіз задачы
Запіс рашэння задачы ў сшыткі
- Скласці задачу адваротную дадзенай на знаходжанне адлегласці(Вусна)
- Фізкультхвілінка
Давайце ўявім сабе, што мы біятланісты. Гэты від спорта спалучаее ў сабе лыжныя гонкі і ўменне трапна страляць.
- І так ідзем на лыжах.
- страляем па мішэнях на экране.
- Скончылі страляць!
- Зноў хутчэй на лыжы.
- Зноў страляем!
- На апошні круг на лыжы!
- Замацаванне вывучанага
- Рашэнне састаўной задачы (Факультатыўныя заняткі Ст. 115№2)
(Слайд 7)
Калектыўны аналіз задачы
1 група- запіс задачы.
2 група – самастойная работа (задача ў 3 дзеянні)
- — Скорасць бывае розная. Чым большая скорасць, тым менш траціцца часу на дарогу. Увага на экран.(Слайд 8)
— Паглядзіце на экран і вызначце, чыя скорасць большая.
(Слайд 9)Знайсці скорасць лыжніка
850 км/г 90 км/г 10 км/ 40 км/г 145 км/г
(Слайд 10)рубрыка “Цікава ведаць”, рэкорды, параўнанне скорасці жывёл і спартсменаў)
3.Работа па варыянтах
Прыклады № 5, падручнік, ст.59.
900:300*110=330
800:200*220=880
600:12+500+5=555
900:15+3+600=663
Узаемаправерка
- Рэфлексія
Міні-дыягнастыка (Самастойная работа)
Каб правільна выканаць заданні, трэба карыстацца правіламі.
Як вызначыць скорасць?
Як вызначыць час?
Запоўніць табліцы. Індывідуальныя заданні, карткі рознага колеру (жоўты і блакітны)
Варыянт 1(блакітныя)
| адлегласць | час | скорасць |
| 120 км | 3г | ? км/г |
| ? м | 4 мін | 90 м/мін |
| 125 м | ? с | 5 м/с |
Варыянт 2(жоўтыя)
| адлегласць | час | скорасць |
| 150 км | 3г | ? км/г |
| ? м | 4 мін | 70 м/мін |
| 105 м | ? с | 5 м/с |
- Вынік урока
Дзякуй за працу. На ўроку вы былі старанныя, уважлівыя, кемлівыя. Вы добра умееце рашаць задачы і прыклады. А яшчэ вы любіце займацца спортам. Ведаеце віды спорту і нашых спартсменаў.На алімпіядзе спартсмены заваёўваюць медалі (назваць беларускіх прызёраў), а вы сёння на ўроку атрымалі галоўны свой прыз – веды .